G‘ayrat, senga ishonaman, lekin nazorat ham qilaman

Kutilmaganda rejangni so‘rashim, ishingni tekshirishim mumkin.

Maqsadim, erkinlikda o‘zingni nazorat qilolmay qolishingni oldini olish.

Chunki, mutlaq erkinlik seni ham, meni ham buzadi, xuddi suvni ko‘pi ekinni o‘ldirgani kabi.

Boshqa tomondan, nazorat senga e’tibor qilishimni va seni yolg‘iz tashlab qo‘ymaganimni bildiradi.

Bu degani ustingda 24/7 turaman, degani emas, xotirjam bo‘l.

O‘tgan oy maktablarimiz menejerlariga “haftalik hisobot” tizimini joriy qildik.

Hisobotda hafta davomida qilgan ishlari, duch kelgan muammolari va kelasi hafta uchun rejalarini yozishyapti.

O‘zim ham CEO‘ga yuborishga yozyapman. Har bir bajargan ishimni yozish o‘zimdan qoniqish hissi beryapti.

Menejerlarimiz hisobotlarini o‘qib, o‘ylaganimdan ko‘ra ko‘proq ishlar qilishayotganini bilyapman.

Andi Gruv aytgandi, xodimni nazorat qilmaslik undan voz kechish bilan teng deb

G‘ayrat, men sendan voz kechmadim, kechmayman ham