G‘ayrat, murosaga urinma

Masala yetarlicha muhokama qilindimi, cho‘zmasdan qaror qil.

Muhokama tugaganini bilish oson: yangi argumentlar chiqmay qoladi.

Hamma ham sening qaroringga qo‘shilmasligi mumkin – bu tabiiy holat.

Lekin ikkita shart bajarilsa, muammo bo‘lmaydi:
1. Hamma fikrni eshitdingmi?
2. Qaroringni aniq tushuntirdingmi?

Shunda hurmating ham saqlanadi, ijro ham to‘xtab qolmaydi.

Bizning majlislarda ham aynan shunday bo‘ladi:
• Ishtirokchilarga teng va erkin gapirish imkoni beramiz.
• Hech kimning so‘zini bo‘lmaymiz, boshqalarga ham bo‘ldirtirmaymiz.
• Yangi argumentlar tugashi bilan darhol qaror qilamiz.
• Qaror sabablarini qisqa va aniq tushuntiramiz.
• Yakunda esa ishtirokchilardan qarorni o‘z jamoalariga yetkazishini kutamiz.

Muhokama – fikrlar uchun. Qaror – harakat uchun. Qarorni sen berasan.