G‘ayrat, faqat natija qilishing yetmaydi

Sen menejersan — jamoang kayfiyati va o‘sishi ham sening mas’uliyatingda.

Oylik vazifani ortig‘i bilan bajarganing bilan, jamoang ishdan bezib qolsa, bu yaxshi emas.

Yoki aksincha, ish va muhit hammaga yoqyapti-yu, natija o‘rtacha bo‘lsa, bu ham yaxshi emas.

Ham erishgan natijang, ham jamoaning kayfiyati va rivojlanishi bilan baholanasan.

Taxminan ikki yil avval jamoamizdan ketgan menejerlardan biri vazifalarni juda qattiqqo‘llik bilan bajartirardi.

Fidbeklarni berib yordamga harakat qilardik, ammo foydasi bo‘lmadi. Uzoqqa bormay, o‘zi ham ketishini anglab qoldik. Uch oy ham ishlamay to‘satdan jamoani o‘zi tark etdi.

Ketayotganida qo‘l ostidagilarning hammasini olib ketmoqchi bo‘ldi, ammo faqat o‘zi olib kelgan do‘sti unga ergashdi, xolos.

Sababi oddiy — boshqalar uni hurmat qilmagandi, shunchaki lavozimidan cho‘chishardi. Keyinroq qo‘l ostida ishlagan xodimlardan ba’zilari yomon xotiralarini aytib berishgandi ham.

Muvozanatni saqla, kam bo‘lmaysan.