G‘ayrat, rahbarligingni isbotla

Rahbar — bu filter:
kompaniyadagi holat, vazifalar va fidbeklarni jamoasining holatiga moslab o‘tkazadigan odam.

Agar sendan yuqoridagi yoki tengdosh rahbarlar sening xodimlaringga to‘g‘ridan-to‘g‘ri vazifa yoki fidbek berayotgan bo‘lsa — o‘z vazifangni bajarmayapsan.

Natijada:
• Xodimingning ish yuklamasini nazorat qilolmaysan — u dedlaynlardan o‘tib ketishni boshlaydi.

• Kayfiyat va motivatsiyasini ushlab turolmaysan — sen kulib turgan paytda, u boshqasining bosimidan ezilayotgan bo‘lishi mumkin.

• Uni ikkilanishga qo‘yasan — seni eshitishi kerakmi, boshqasini mi?

• Bir kamchiligini ikki kishidan eshitib, ortiqcha stress yig‘adi.

Bunday holat yuz bersa:

• Rahbaring yoki hamkasbing bilan ochiq gaplash.

• Bunday bevosita aralashish samaradorlikni pasaytirishini va xodimlar uchun ortiqcha stress tug‘dirishini tushuntir.

Agar tushunsa — zo‘r.
Vaqt o‘tib ham tushunmasa — senga oq yo‘l tilayman.

Ikki rahbarga hisobdorlik tizimi bor, albatta — unda majburiyatlar rahbarlar tomonidan bo‘lishib olinadi, faqat shu chegarada xodim bilan ishlashadi.