G‘ayrat, ikkilansang — boshqaruv maqsadlariga qara.

Ba’zida nima qilish to‘g‘ri — bilmay qolasan. Tajriba ham, kitob ham yordam bermaydi.

Shunday paytda quyidagi uchta maqsadni esla:

1. Zo‘r jamoa qur — bir-birini tushunadigan, qo‘llaydigan.

2. Xodim o‘sishi kerak — ham odam sifatida, ham mutaxassis sifatida.

3. Tizim baribir muhim — har doim ishni soddalashtir, tezlashtir, optimallashtir.

Har qanday ish shu uchta maqsaddan eng kamida biriga xizmat qilishi kerak.

Qilayotgan ishing ularga to‘g‘ri kelmasa — qilma. Tushsa — bemalol qilaver.

Masalan:
• Jamoani buzayotgan odamni chetlatish — (1)
• Xodim bilan yurakdan gaplashish — (1, 2)
• Har doim og‘zaki aytiladigan ishni yozib qo‘yish — (3)

Shu prinsipga amal qilsang, har kuni biroz yaxshiroq rahbar bo‘lib borasan. Xatolaring ham kamayadi.