G‘ayrat, sokinlik yuqadi

Oldinga o‘pka bilan kiradigan jamoadoshlar ham, mijozlar ham topiladi.

Shunda ularni avval bir joyga o‘tkazgin, keyin esa gapini bo‘lmasdan biroz eshit.

Ichidagini bir qator to‘kib, sendan javob kutishni boshlaganda qo‘liga suv tutqaz — olovni o‘chirgandek, g‘azabni ham bosadi.

Ichsa ichmasa, e’tiboringni sezadi va biroz hovuri tushadi. Endi, e’tirozni yaxshiroq tushunish uchun savol bersang bo‘ladi.

Odatda, hech kim sendan o‘sha zaxoti aniq yechim berishingni kutmaydi — vaziyatga munosabatingni bilmoqchi bo‘ladi.

Befarq tutsang — battar achchiqlanadi, ammo diqqat bilan tinglab, ortiqcha reaksiya bildirmasang — sokinliging unga ham yuqadi.

Sokin odamdan to‘g‘ri ma’lumot ololasan, haqiqiy, dildan suhbat qurolasan.

Demak, birinchi maqsading e’tiroz bildiruvchini suhbatga tayyorlash bo‘lsin.

Sendan avval kutiladigani shu.