G‘ayrat, mijozni qurbon qilma

Restorandamiz. Bizga qaragan ofitsiant kelavermadi, boshqasi oldimizdan o‘tganda unga buyurtma bermoqchi bo‘ldik, sherigini chaqirib yuborishi aytib ketdi.

Sherigi esa yana 10 daqiqadan keyin qayta chaqirganimizda keldi — natijada qo‘shimcha buyurtma qilmadik, brendga ishonchsizligimiz oshdi, kelasi safar mehmon olib kirishga o‘ylanib qoldim.

Operator emassan, mijoz telefoniga javob berishing kerak bo‘lishi mumkin;

Admin emassan, mijozni kutib olishing kerak bo‘lib qoladi;

Qo‘riqchi emassan, eshikni ochib yopishingga to‘g‘ri keladi;

Xullas, mijoz senga nima masalada chiqsa chiqsin, mas’ul sensan:

1. Eng kamida haqiqiy mas’ulni vaziyatga tezda jalb qilgin, keyin boshqa ishingga qayt;

2. Agar mas’ulni kimligini bilmasang, masalani oxirigacha o‘zing hal qilgin, sizlardagi tizimsizlikka mijoz qurbon bo‘lmasin.

Shundan keyingina bu kabi holatlar takrorlanganda kim, nima qilishini aniqlashtirib olsang bo‘ladi.

Ungacha muammoni yechgin, mijozni qurbon qilmasdan.