G‘ayrat, muzlatgichni to‘ldir

Davlat boshqaruvida bir haqiqat bor: hokimiyatga televizor orqali kelinadi, ammo hokimiyatda muzlatgich bilan qolinadi.

Ya’ni, odamlarni katta va’dalar bilan qisqa muddatga ergashtirish mumkin. Lekin vaqt o‘tadi, televizor o‘chirilib, muzlatgich ochiladi — ichida nima borligi hal qiladi, odam qoladimi yo‘qmi.

Kompaniya ham xuddi shunday.

Dastlab yirik maqsadlar, yuqori maosh va’dasi bilan jamoani yig‘ish mumkin. Biroq ularni ushlab qolish uchun bitta narsa muhim:
— Haqiqat.

Haqiqat bu:

- Real, bozordan kam emas maosh.
- Adolatli, do‘stona munosabat.
- Xavfsiz, barqaror muhit.
- O‘sish imkoniyati. Ham shaxs, ham lavozim jihatdan.

Muzlatgich bo‘sh bo‘lsa, eng sadoqatli odam ham ketish ehtimoli juda yuqori, unutma.