G‘ayrat, jamoadoshlaringni yaxshi sifatlari bilan esla

Sendan so‘rashsa — yaxshi ishlarini, qilayotgan mehnatini aytgin.

Noroziliklaringni boshqalar bilishi shart emas — o‘zi bilsa yetadi.

Kamchiligi yo‘q bo‘lganda ehtimol seni jamoangda bo‘lmasdi — o‘zi bir jamoa boshqarayotgan bo‘lardi.

Senga ham kimdir kamchiliklaringga qarab muomala qilsa hotirjam ishlolmaysan-ku. Yaxshi sifatlariga qarab muomala qilaver.

Odamlarga ishonsang — ishonchingni oqlashga imkonlari bo‘ladi. Oqlolmasa ayb senda bo‘lmaydi.

Odamlarga ishonmasang — ayb senda, sodiqlarni topolmaysan, chunki imkon bermagan sen bo‘lasan.

Yaxshisi har kimga imkon ber, liderlarga shu yarashadi.