G‘ayrat, haddan tashqari o‘ziga ishonadigan nomzoddan ehtiyot bo‘l

Intervyuda dadil gapiradigan, katta va’dalar beradigan, o‘tmishdagi “yutuqlari”ni ko‘p sanab beradiganlar bo‘ladi.

Aslida, muammo ishonchda emas. Muammo — yetuklikda va bu yetuklik ko‘pincha da’vo qilganda bo‘lmaydi.

Haqiqiy mutaxassis natija faqat o‘ziga bog‘liq emasligini biladi. Bozor, byudjet, jamoa va mahsulot borligini hisobga oladi. Shuning uchun u shoshilmaydi, aniqlashtiradi, savol beradi.

Tajriba yetishmaydiganlar esa bir-ikki omadli holatni o‘z mahorati deb qabul qiladi. Natijada hamma ishni “bemalol” qilib beradigandek gapiradi.

Shuni yodda tut:
• Chala mutaxassis ko‘p va’da beradi.
• Yetuk mutaxassis ko‘p savol beradi.

Masalan, sen:

“Savdoni oyiga 200 tadan 400 taga oshirish kerak”, desang

• Chala mutaxassis: “Qilamiz, muammo yo‘q.” deb katta ketadi.

• Yetuk mutaxassis: “Byudjet qancha? Muddat nechchi oy? Jamoa tarkibi qanday? Mahsulot bunga tayyormi?” deb seni savolga tutadi.

Shunday ekan, nomzodni gapiga yoki ishonchiga qarab emas — berayotgan savollariga qarab bahola.

Tabiiy, o‘tmishdagi natijalari va tajribasi o‘ta muhim, faqat uni tekshirish muhim, yuqoridagi kabi.