G‘ayrat, odam ko‘p majlisda qaror chiqarish juda qiyin bo‘ladi.

Mavzuga eng ko‘p aloqador, ko‘pi bilan 6-7 nafar mutaxassisni chaqirsang bo‘ldi.

Sotuv strategiyasi masalasida qaror kerakmi?

Savdo, marketing, moliya menejerlari va operatsion direktor qatnashishi yetadi.

Majlisga HR yoki ta’minot menejerini qo‘shib ularni vaqtini ham olma.

Ortiqcha odam ortiqcha fikrlar degani, bu mavzuga chuqurroq kirishga xalal beradi.

Natijada qaror yuzaki tomondan ko‘proq narsani qamraydi, lekin masala detaliga yetarlicha e’tibor berilmay qoladi.

2023-yilda 25-30 nafar ustozlar bilan birga "ustozlarga aloqador intizomiy choralar" tartibini ishlab chiqqandik.

Amalda, tartib detallari yaxshi o‘ylanmagan, xatoliklari ko‘p bo‘lib chiqdi.

O‘rniga, tor doirada, aloqador mutaxassislar va ustozlardan bir necha vakillar ishtirokida tartib ishlab chiqilganda ancha optimalroq bo‘lardi.

Keyingi aksar qarorlarimiz shunday bo‘lgan.