G‘ayrat, intervyuda kimligingni unutma

Nomzodlar mehmon, sen mezbonsan. Mehmon ko‘rsatilgan joyga o‘tiradi, berilgan taomni yeydi.

Intervyuda taom — sen beradigan savollar. Savol ko‘p bo‘lsa javob ko‘p bo‘ladi.

Javob ko‘p bo‘lsa yaxshiroq nomzodni osonroq ajratasan. Demak, ko‘proq gapirtirish birinchi ishing.

Ikkinchi ishing nomzodni sen istagan mavzuda gapirtirish. Chalg‘iyaptimi, to‘xtat va mavzuga qaytar.

O‘tgan yili IT loyiha boshqaruvi bo‘yicha bir nomzod suhbatimga keldi, savol bersam o‘zimga savol beradi.

Biroz eshitib “Intervyuga siz kelgansiz, men emas. Buyog‘iga savollarni men beraman, siz javob berasiz, kelishdikmi?” dedim.

Biroz dovdirab bosh chayqadi. Keyin bir nechta savollardan keyin sohada tajribasi ham, bilimi ham kam ekanligi ma’lum bo‘lib qoldi.

Suhbatni cho‘zmadim, rad javobini sababi bilan ochiq aytib, eshikni ko‘rsatib yubordim.

O‘zi bilim va tajribasi kamroq kishilar o‘zini aqlliroq ko‘rsatish uchun ko‘proq savol berish odati bor.

Mutaxassis ortiqcha gapirmaydi. Avval savollaringizga javob beradi. Suhbatni oxirida bitta yoki ikkita savolini beradi, tamom.