G’ayrat, bajarishni niyat qilib muhokama qil
Yaxshi g'oyalarni o'ldirish, munosabatlarni uzishga sabab bo'luvchi odat haqida
Avvallari rahbarim biror g‘oya aytsa, avvalo keskin rad qilardim.
Maqsadim yomon emas edi —
jiddiy xatolarni oldini olish, mavjud tizimni saqlash.
Lekin natijada muhokama ko‘pincha hissiy bo‘lib ketardi.
Men hujum qilardim.
U kishi himoya qilardilar.
Bugun o‘ylab qarasam, sabrlari juda kuchli ekan.
O‘zi CEO sifatida biznesni yaxshilaydigan g‘oya topish oson emas.
Ustiga ustak, takliflaring ijro jamoasi tomonidan tez-tez rad qilinsa — bu yanada qiyin.
Hozir ijro jamoasi rahbari sifatida boshqa narsani tushunyapman.
Yangi g‘oya chiqqanda endi avval
“nega bo‘lmaydi?” deb emas,
“agar qilsak zo‘r bo‘ladi, qanday qilib qilsak bo‘ladi?”
degan niyat bilan muhokamaga kirishga harakat qilyapman.
Shunda g‘oyaning faqat kamchiliklari emas,
yaxshi tomonlari ham tezroq ko‘rina boshlaydi.
Odamlar ham fikrini erkinroq aytadi.
Muhokama osonroq kechadi.
Rahbarimning ham stressi kamaygandek.
Xulosa:
Ba’zi muhokamalar g‘oya sabab emas, niyat sabab buziladi.
Muhokamaga
“nega bo‘lmaydi?” deb kirsang — bahs chiqadi.
“Qanday qilib bo‘ladi?” deb kirsang — yechim chiqadi.
Niyatingni to’g’irla.
Abdulloh Shamsiddin
Menejment bo'yicha ekspert va murabbiy. Professional konsultant.