Muhammad, jim qolma

Siniq oynalar nazariyasiga ko‘ra: kichik muammolar vaqtida hal qilinmasa, kattalashib ketadi.

Intizomli shogirdlarimizdan biri ikki oy avval kech qolishni boshlaganini sezdim.

Lekin, "Vazifalari ko‘payib ketgandi, kechgacha ishlab charchab qolyapti, o‘tib ketadi" deb o‘ziga indamadim.

Ikki oy o‘tdi, o‘tib ketmadi, 1 haftacha kuzatdim, odatga aylanibdi. Kech bo‘lsa ham e’tirozimni o‘ziga aytdim.

Armiyada shunaqa gap bor: "Tartibdan tashqari ishga ko‘z yumsang, aslida yangi qoida joriy qilgan bo‘lasan."

Boshqaruvda ham xuddi shunday – kichik tartibsizlik vaqtida tuzatilmasa, katta muammolarga yo‘l ochadi.

Shuning uchun agar biron qoidadan tashqari ishni ko‘rsang, darrov mas’ullarga bildir.

Hatto, muammo hojatxonada qog‘oz qolmagani bo‘lsa ham. Aslida, kompaniya tartibini shu yer juda yaxshi ifodalaydi.