G‘ayrat, ba’zida uydan ishlashing kerak

Ishxonada diqqatni jamlash qiyin bo‘ladigan paytlar bo‘ladi. Shunaqa paytda uyda ishlash — to‘g‘ri qaror.

O‘zim ham tez-tez shunday qilaman. Lekin samarali bo‘lish uchun, ayrim oddiy qoidalar bor:

1. Uydagilarni ogohlantir

Uyda bo‘lishing — “xohlagan paytda bezovta qilsa bo‘ladi” degani emas. Qachongacha chalg‘itmasliklarini avvaldan aytib qo‘y.

2. Partada ishlashga odatlan

Yotoqda ishlasang, uxlab qolasan. Tik o‘tirganingda bel og‘rimaydi, qon yaxshi aylanadi, kallang ham yaxshiroq ishlaydi.

3. Asosiy ishlarni ertaroq tugat

Tushlikdan keyin samaradorlik tushadi. Ko‘p hollarda qorning to‘yadi, ko‘zing uyquga ketadi. Muhim ishlarni tushgacha boshla, majbur tugatasan.

4. Formada ishlashga harakat qil

Kostyum kiymasang ham, yotoqdagi kiyimda qolmagin. Kiyim kayfiyatni o‘zgartiradi. Men ham asta-sekin odatlanyapman.

5. Qayerdaligingni ayt

Jamoadoshlar bilsin: uyda ishlayapsanmi, ofisdamisan — shunda “ko‘rishaylik”, “qayerdasiz” deb kamroq bezovta qilishadi. Diqqat bilan ishlay olasan.

Xulosa: uyda ishlash — zo‘r. Lekin shartli zo‘r. To‘g‘ri yondashilsa, undan katta foyda chiqadi. Bo‘lmasa, butun kuningni uxlab yoki o‘ynab o‘tkazasan.

1 kun ham uydan ishlolmayapsanmi? Unda hali jamoang kuchsiz, tizim yaxshi qurmagansan — ishlar faqat senga bog‘liq bo‘lib qolgan.

Aytgancha, bugun ham uydan ishlayapman.