G‘ayrat, qo‘lingdagi pichoqni ishlatmasang, hamma uni o‘yinchoq deb biladi

Seni menejer qilib tayinlashdi — endi sen ishchi emas, boshqalarni ishlatishga javobgarsan.

• Bilim bilan ta’sir
Tushuntirasan — e’tibor bermaydi. Buyurasan — qilmaydi. Ayniqsa sen bilan birga ish boshlagan eski jamodoshlar. Sabab — hali sening aqling, foydangni ko‘rmagan.

Bunday paytda gapingni ularga ishonadigan ustoz yoki jamoadoshlar orqali yetkazishga o‘tgin. Ularning og‘zidan eshitib, “bekorga menejer bo‘lmabdi” degan xulosa chiqadi. Tabiiy, bunga vaqt kerak.

• Lavozim bilan ta’sir
Ba’zilar oyligi, ishda qolish-ketishi senga bog‘liqligini to‘liq his qilmagan bo‘ladi.

Shundaylarga yolg‘iz chaqirib, aniq ogohlantir: topshiriqlar bajarilmasa bo‘shatishgacha borishing mumkinligini sezdir. Ba’zan hayrlashishga ham to‘g‘ri keladi.

Xullas, ba’zilarni shirin gap bilan, ba’zilarni qat’iy chora bilan boshqarasan. Ba’zilarga ikkisini ham ishlatasan.