G‘ayrat, takror–takror bir xil xatoni qiladigan odamlar bilan yakunda baribir hayrlashishga majbur bo‘lasan

Ishga olishda “o‘rganishga tayyor” va senga yoqadigan insonni tanlash to‘g‘ri — buni avval batafsil yozgandik.

Lekin voqelik shuki: o‘sha inson bilan bir muddat ishlaganingdan keyin ko‘ngling to‘lmay qolishi mumkin.

Shunda savol paydo bo‘ladi:
Bo‘shatish kerakmi yoki yo‘qmi?

Avval o‘zingdan so‘ra:
• Yetarlicha o‘rgatdingmi?
• Yetarlicha yo‘l-yo‘riq, tushuntirish berdingmi?
• Yetarlicha motivatsiya qildingmi?
• Kutilmalarni aniq aytdingmi?

Agar shularning hammasidan keyin ham eski xatolarni takrorlayotgan bo‘lsa —
ha, bo‘shatish kerak. Buni aniqlashga o‘rtacha 3 oy ketadi.

Chunki korxona — reabilitatsiya markazi emas.
Bir xil xatoni qayta-qayta qiladigan odam — jamoani ham, ish sifatini ham, rahbarni ham charchatadi.

Odatda, bu ishni jiddiy olmaslikdan kelib chiqadi.

Rahbarning vazifasi — imkon berish.
Xodimning vazifasi — imkonni qadrlash.

Qadrlamasa, o‘rni bo‘shatiladi.