G‘ayrat, xodimlar sadoqatini sinama

Taniqli tadbirkor Xurshid akani intervyusidan bir qismini ko‘rib qoldim:

Jurnalist: “Pulingiz qolmasa oldingizda kimlar qoladi?”

Xurshid aka: “Pul ishlab topaveray, oldimdagilar ham oldimda bo‘laversin.”

Ya’ni, oldimdagilarni sadoqatini sinamay, deb tabassum bilan javob beribdilar.

Buni biz jamoa shakllantirishga ishlatishimiz mumkin.

Oz oylik berib, jamoadoshlarimiz sadoqatini sinamasdan, ko‘proq oylik berib qo‘yaveraylik.

Shunda, ular o‘zlarini baxtliroq his qilishadi va yakunda biz bilan ko‘proq birga bo‘lishadi ham.

Boshqa tomondan, xodimlar ketib qolish holatlari ham kamroq bo‘ladi.

24-25 o‘quv yilida Farg‘ona va Toshkent filiallarimizda ishlagan 100 dan ortiq ustoz va kuratorlarimizdan barchalari 25-26 o‘quv yilida ham jamoamizda qolishga qaror berishdi, shukr.

Tabiiy, standartlarimiz oshgani sababli 10 dan ortiq jamoadoshlarimiz bilan hayrlashishga to‘g‘ri keldi. Bu ham ularni yetarlicha rivojlantirolmagan bizning xatoyimiz.

Shunday qilib, torlik qilib sinagandan, kenglik bilan muhabbat qozongan yaxshi.