G‘ayrat, yomon ko‘rinishdan qo‘rqsang, tizim qurolmaysan

Tizim — bu ishlarni oldindan kelishilgan jarayonlar va qoidalar asosida bajarishdir.

Masalan, ishga olish tizimi — oldindan ishlab chiqilgan va kelishilgan 4 bosqichdan iborat, aniq kriteriyalarga mos kelgan nomzodni ishga oladi.

Tizimni ishlab chiqish va tasdiqlatish bilan ish bitmaydi. Endi uni rejadagidek ishlashini doim himoya qilishing kerak.

Eng avvalo o‘zingdan, istaklaringdan himoya qilasan. Sen ijrochi va nazoratchi bo‘lsang, qoidalarni buzish imkoniyati senda ko‘p.

Keyin esa, rahbaring istaklari va kayfiyatidan himoya qilasan. Ba’zan vakolati baland odamlar cheklov bilan ishlashni yoqtirmaydi, va ko‘pincha ular cheklov-tizim mavjudligini unutib qo‘yadi.

Mana shuni boshqarish qiyin. Har safar jarayon yoki qoida buzilishidan xavotir qilsang, rahbaringni to‘xtatib, fikrini eshitib, lekin tezda bajarish o‘rniga tizimga yo‘naltirish kerak — ochiq aytganda, rahbarni cheklashing kerak.

“Qanday tushunar ekanlar”, “Noto‘g‘ri tushunarmikan” deb, qo‘rqib, tizimni himoya qilmasang, fikrlaringi bildirmasang, yakunda vazifangni bajarmagan bo‘lasan.

Bunda rahbaring sendan hafa bo‘lib qolishi mumkinmi? Ha, mumkin. Lekin, vaqt o‘tib masala qayta o‘ylanganda to‘g‘ri qilganingni tushunishadi. Ishdan ketib qolmasang, albatta)

Qo‘rqma, O‘zi rozi qilib qo‘yadi, sharti ishingni vijdonan, o‘z manfaatiningni o‘ylamasdan qilishing kerak.

Shunda ham, hissiyotlaring bilan doim kurashasan, xuddi kaminadek. Va bu qiyin.

Shukr, bizda bu vaziyatlarda bizni anglaydigan rahbarimiz bor, buni ham e’tirof qilish shart.