G‘ayrat, ayrim xodimlar bilan xayrlashishga to‘g‘ri keladi

Katta biznesmenlar kitoblarida va bizning tajribada sinalgan usullar:

1. O‘zingdan so‘ra: “Agar u ketib qolsa, qayta ishga olarmidim?” javobing yo‘q bo‘lsa — demak, xayrlashsa bo‘ladi.

2. Yana so‘ra: “Qo‘l ostida ishlarmidim?” Rahbar bo‘lsa ayniqsa muhim. Javob yo‘q bo‘lsa — ketkazish to‘g‘ri.

3. Shu xodimni bo‘shatish fikri senga bir marta emas, qayta–qayta keladimi? Unda ehtimol to‘g‘ri qaror — chetlatish.

4. Xodimning hamma bilan muammosi bormi? Agar ko‘pchilik bilan chiqisha olmasa — muammo unda. Xayrlashish mumkin.

5. “Bu odam bilan uzoq yillar ishlashni xohlaymanmi? Inson sifatida yoqadimi?” Agar javobing yo‘q bo‘lsa — unda hozir birga ishlayotganingdan foyda yo‘q.

Ba’zan o‘rniga odam topilmagani yoki biznes holati sababli qaroringni biroz kechiktirishing mumkin.

Ha, aksar odamlarni o‘stirolasan, lekin biznes, bozor ularni kutib o‘tirmaydi, kechirmasligi mumkin.

Yakunda, uning xatolarini faqat sen emas, biznes va mijozlar to‘laydi. “Uni o‘stiraman” deb biznesga zarar yetkazma.