G‘ayrat, sen rozi bo‘lgan ishlar madaniyatga aylanadi

Bir necha kun oldin filial direktorlarimizdan birining o‘quvchilar haqidagi ma’lumotlarni ota-onalarga yetkazish uchun ularni qog‘ozda to‘plash bo‘yicha jamoaga topshiriq berganini ko‘rib qoldim.

Darhol bog‘landim. Bizda tayyor elektron tizim va ilova bor ekan, nega qog‘ozdan foydalanilayotganini so‘radim.
Suhbat davomida bu noto‘g‘ri yechim ekanini o‘zi ham anglab yetdi va vazifa o‘zgartirildi.

Bugun xodim ishdan xabarsiz, vaqtliroq ketdi — indamading.
Ertaga bu istisno emas, odat bo‘ladi.

Majlisga kech qolishdi — e’tiroz bildirmading.
Ko‘p o‘tmay bu boshqalarga ham yuqadi.

Kimdir hamkasbini yoki rahbarini yomonladi — jim qolding.
Jamoaga bo‘linish va ishonchsizlik urug‘ini sepding.

Xojatxonada oddiy tartib yo‘q — e’tibor bermading.
Beparvolik asta-sekin boshqa joylarga ham ko‘chadi.

Shu “mayda” ko‘ringan holatlarning har biri — kompaniya madaniyati.
Va uning muallifi — sensan.

Haqiqiy madaniyat sen bo‘lmaganingda xodimlaring qanday qaror qilishi va qanday yo‘l tutishida bilinadi.

Madaniyat baland gaplar bilan emas,
mayda holatlarga munosabat bilan quriladi.

Sukutingning narxi qimmat.
Ungа befarq bo‘lma.