G‘ayrat, xodim ishini saqlab qola olmasang ham, obro‘sini saqla

Takroriy xatolar sabab xodimlarimizdan biri bilan xayrlashishga to‘g‘ri keldi.

Bizda aniq qoida bor: agar xodim kompaniyaga nisbatan ochiq dushmanlik qilmagan bo‘lsa, u bilan chiroyli xayrlashamiz.

Shu sabab u kishiga gul tutqazildi, HR va filial rahbarlari bilan birga rasmga tushildi va jamoa guruhiga ijobiy hayrlashuv xabari berildi.

Biroz vaqt o‘tgach, bizni shaxsan taniydigan ustozlardan biri kelib, ketkazilish sababini o‘zimdan so‘radi.

Javobim qisqa bo‘ldi:
“Ketkazishga arzigulik darajada takror xatolar bo‘lgan. Ammo bu xatolar tafsilotini sizga aytish to‘g‘ri bo‘lmaydi, to‘g‘rimi?”

Ishdan ketayotgan xodimga bo‘lgan munosabating, qolayotganlarga signaldir — shu sabab ularni yomonlama.

Tabiiy, rahbar xodimlar bilan ketgan odam xatolarni muhokama qilishga to‘g‘ri keladi. Sharti, yomonlash emas, xatolarni tushuntirish bo‘lsin.

O‘zi kimnidir ishdan bo‘shatar ekansan, ko‘pincha xato rahbar sifatida o‘zingda bo‘ladi.

Yo yetarlicha yordam bermagan, o‘rgatmagan bo‘lasan, yoki noto‘g‘ri odamni ishga olgan bo‘lasan.