G‘ayrat, sadoqatni kichik odatlar bilan ham shakllantirasan

Ramazon kelishi bilan ish vaqtini 16:00 gacha qisqartiramiz.

Jamoa uyiga, iftoriga ertaroq borsin, kamroq charchasin, deb.

Odatda, shu e’lonning o‘zini ular bayramdek kutib oladi.

Odamlar oylikdan ko‘ra munosabatni ko‘proq qadrlaydi. Ayniqsa, yuqori saviyadagi mutaxassislar.

Doim ham bozordagi eng katta maoshni berolmasliging mumkin. Lekin yaxshi muhit yaratsang — yaxshi odamlar sen bilan uzoqroq qoladi.

Yaxshi muhit shakllantirish esa mayda ishlardan boshlanadi:

- Ochiq yuz bilan salom berishing
- Rahbar-xodim ajratmay birga ovqatlanishing
- Kasal bo‘lsa, hol so‘rashing
- Ta’ziya bo‘lsa, borishing
- Navbatda hamma bilan turishing
- Xatoni tan olib, tuzatishing

Ro‘yxat uzun. Va bular arzimasdek ko‘rinadi. Aslida esa jamoa shu narsalar bilan ishxonani baholaydi.

Xulosa oddiy:

Madaniyat buyruq bilan emas, namuna bilan quriladi.
Namuna esa rahbarlardan boshlanadi.

Sen o‘zingni oddiy menejer deb o‘ylashing mumkin.
Lekin jamoang uchun — kompaniya madaniyati sensan.