G‘ayrat, sen ishini yaxshi bajarayotgan, ammo jamoaga munosabati yomon bo‘lgan xodim bilan ishni davom ettirish haqida…

Masalan, taksi haydovchisini olaylik. Uning asosiy vazifasi — yo‘lovchini xavfsiz va o‘z vaqtida manziliga yetkazish. Yo‘l davomida sigaret chekmaslik va yo‘lovchining kayfiyatini buzmаslik esa qo‘shimcha vazifasi. Ammo ko‘p haydovchilar buni tushunmaydi.

Xuddi shunday, ba’zi xodimlar faqat oylik savdo rejasini bajarishni o‘z vazifasi deb biladi. Sen ularga tushuntirishing kerak — rejani bajarish jarayonida boshqa sotuvchilarga xalaqit bermaslik ham ularning majburiyati hisoblanadi.

Bu vazifalarni odatda ishga olish suhbatida aytmaysan — vaziyatlar yuzaga kelganda kompaniya qadriyati sifatida asta-sekin singdirasan. Qabul qilsa yaxshi, qilmasa vaqt berasan — o‘zgarmas ekan, ishni davom ettirmasligingni ochiq aytasan.

Buni ochiq aytmas ekansan, xodimlar o‘zini juda muhim — voz kechib bo‘lmaydigan xodim sifatida his qila boshlaydi. Natijada boshqalarni mensimay, qoidalarga amal qilmay qo‘yadi.

Va bu seni va kompaniyaning xatosi bo‘ladi — potensial yaxshi kadrni ham buzib qo‘yishing mumkin. Shu sabab kompaniya qadriyatlari bilan xodimlarni tezroq tanishtirish va ularni himoya qilish kerak.

HR bo‘limi adaptatsiya jarayonida kompaniya qadriyatlarini tushuntiradi, albatta. Ammo, qadriyatlarga amal qilinmagan har bir holatlarda har bir xodim ularni himoya qilishi kerak, bo‘lmasa qadriyat yozuvda qolib ketadi, xolos.