G‘ayrat, og‘zaki gap unutiladi, sen hujjatlashtir

Hammani esida saqlashini istagan har bir gapingni yozma ham e’lon qil.

Masalan, bir-birini izza qilish mumkin emas, deb jamoaga qadriyatlaringdan birini aytding.

Endi shuni hamma o‘qiydigan guruhlarga, joylarga yozma e’lon ham qilib qo‘y.

Birinchidan, bu masalaga jiddiy yondashganingni bildiradi;

Ikkinchidan, eshitgan narsasini qayta o‘qigan xodim unga ko‘proq amal qiladi;

Uchinchidan, xato takrorlanganda, zarur bo‘lsa dalil bo‘ladi. Bilasan, hujjat gapiradi, so‘z emas.

To‘rtinchidan, jamoaga yangi qo‘shilganlar yoki sendan eshitmaganlar ham qadriyatlaringdan doim xabardor bo‘loladi.