G’ayrat, yangi xodimingni eski xodiming bilan kamsitma
Xodimlarni solishtirishning jamoaga ziyoni haqida
Yaqinda bir ukamiz va rahbari o‘rtasida shunaqa vaziyat bo‘ldi.
Eski va yangi xodim tortishib qolib, masalani hal qilish uchun rahbar oldiga kirishgan.
Ukamiz jamoada nisbatan yangi.
Rahbar esa yangi xodimning tomonini deyarli eshitmasdan darrov shunday debdi:
“Falonchi bilan yillar davomida ishlaganman.
Og‘ir kunlarni ko‘rganmiz.
Siz esa hali yangisiz. Sizdan kutmagandim. Nima ahvol bu?!”
Shu gapni eshitib ukamiz ichidan juda hafa bo’libdi. Haqli ham.
To‘g‘ri, sadoqat ko‘pincha yillar davomida sinaladi.
Tabiiy, uzoq ishlagan odamingga ko‘proq ishonasan.
Lekin yangi xodimni shu bilan kamsitsang — uni o‘zingdan uzoqlashtirasan.
Bu eski xodimga ham ziyon. Rahbari so’zsiz tarafini olsa, u asta sekin buziladi.
Rahbar xodimlarni xizmat yiliga qarab emas, adolat bilan boshqaradi.
Ishonching ichingda bo‘lsin.
Adolating esa hammaga ko‘rinsin.
Abdulloh Shamsiddin
Menejment bo'yicha ekspert va murabbiy. Professional konsultant.